قلب عاشق ضاع في وسط الخيانة

(أعشقك واشتاقلك واموت فيك **واوعدك انانعيش لبعض باخلاص وتفاني
وان مهماطال فيني الوقت اعينك واعتنيك **ومستحيل اجرح شعورك يوم او مني تعاني
وان حتى لوتخلواعنك لحظه والديك **مستعداعوضك ياكل كلي من حناني
وان هذاالقلب منك اوله وآخرته اليك** فاعرف اني لجل حبك بعت كل اللي شراني)
...
شفت هالأربع سطوراللي قريت بناظريك

هذي فحوى من رساله انت كاتبهاعشاني

احتفظت بهازمان وقلت: بمسكهاعليك

لجل ادينك لو تغيرهالكلام الأولاني

اذكرانك قلت لي في وقتها: الله يهديك

يعني معقول اتغيروانت قطعه من كياني

لاتوسوس واحتويني كثرماني محتويك

واترك الاقدارتثبت صدق ماقاله لساني

قلت: ماهيب وسوسه والود ودي التقيك

اربع وعشرين ساعه معك ماابرح مكاني

بس اخاف اني بدل مااشكي لك الجرح اشتكيك

وانت تدري وش يسوي الجرح في وسط المحاني

قلت: لي لا لا تطمن ليش خوفك يعتريك؟

خل خوفك من جميع الناس وارقد في أماني.....

ومرت الأيام واحنا بين هذي وذيك

اتصالات ولقاءات ومراسيل واغاني

لين غبت بلا سبايب واستمريت احتريك

وعشت وهم اعانقك في كل لحظه من زماني

صرت اشوفك والمسك من دون حتى مااجيك

كلما طالعت في رسالتك بضعة ثواني

واشعرباحساس يذبح جد لكنه يوريك

ان أية شي مهماطال يبقى شي فاني

مثل حبك قادني لمواجة الموت الوشيك

واكتشفت انه سراب وحلم ضيع عنفواني

فليتني فيما مضى من عمرماكنت ارتجيك

وليتني ماكنت احب بصدق ابتليت بعشقك الله مير جعله يبتليك

وانت ماقدرت حتى تضحياتي يااناني

شفت لك شوفه جديده وصارلك غيري شريك

وافترقنا وصرت انامجني عليه وانت جاني

انصدمت وقمت اعيد الذاكره واقراحكيك

واسأل حروف الرساله عنك واقول معقوله نساني؟

قالت الرساله: اللي كان يكتبني ورماني في يديك

قبلهافي يدين غيرك كان كاتبني ورماني

هذا واحد باع غيرك لجل يقدر يشتريك

مثل ماهالحين باعك لجل يشري شخص ثاني..

وسلامتكم ..


لا تحرموني من ردودكــــــــم...


دمتـــم بخيـــــــــــــر...


كان

هنا

امير بلا إمـــاارهـ

مجرد احساس يسلموا ايدك علي ما كتبت

مجرد احساااااس تسلمين على مشاعرك الرقيقه وكلامك الروووعه اتمنى لكي مزيد من التفوق تقبلي مروري

مشكوووور ع الموضوع الرائع